TAXUS

I.

TAXUS

Theophrasto μίλος, Dioscoridi σμίλαξ, arbor minime virens, gracilisque et tristis, ac dira —— in Arcadia tampraesentis veneni, ut, qui obdormiant sub ea, cibumve capiant, moriantur, Plin. l. 16. c. 10. Hinc infausta coronamentis habita; minimeque proin (quod tamen Hesychio contigit) confundenda cum smilace coronaria, frutrice hedetaceo seu hederae simili, de quo diximus supra. Interim et e taxo coronae occurrunt, sed funestae, et non nisi, in luctu usurpari solitae. Statius, l. 5. Sylv. 5. v. 29.

—— en taxea marcet,

Silva comis, hilaresque hederas plorata cupressus

Excludit ramis ——

Apud Inferos namque provenire credita. Silius, l. 13. v. 596.

—— Vasta comas nemorosaque brachia fundit

Taxus, Cocyti riguâ frondosior undâ.

Et Lucanus, l. 6. v. 645. de ditis domo,

—— pallida pronis

Urget silva comis, et nullô vertice caelum

Suspiciens, Phoebo non pervia taxus opacat.

Iterque ad Inferos eâ arbore obsitum, Ovidio, Metam. l. 4. v. 432.

—— via declivis funestâ nubila taxô

Ducit ad infernas per multa silentia sedes.

Indidem furiis faces, apud Claudianum, de Raptu, l. 3. v. 386.

Qualis pestiferas animare ad proelia taxos

Torva Megaera ruit ——

Infera quoque Numina animas venientes taxô fumigatas lustrare ficta, Statio, Theb. l. 8. v. 9.

Nec dum illum aut trunca lustraverat obvia taxo

Eumenis ——

Quam ob causam non alia arbor Inferorum victimis aptior. Val. Flaccus, l. 1. v. 777.

—— multâ pallens ferrugine taurus

Stabat adhuc, cui caerulcae per cornua vittae,

Et taxi frons hirta comis ——

Certe Cantabros, pstquam extrema viderent, certatim igne, inter epulas, ferrô, venenoque, quod ibi vulgo ex arboribus taxis exprimitur, percepisse mortem, legimus apud Florum, Hist. Rom. l. 4. c. 12. et de umbra eius, maxime cum floret, exitiosa, Plut in Sympos. agit pluribus. Unde Lucretius, l. 7. v. 786.

Est etiam magnis Heliconis montibus arbos

Floris odore hominem tetro consueta necare.

Coeterum lignum haud aliud habet, praeter medullam, idque durissimum, estque nigra et punicea in Arcadia, in Ida monte flava et cedrinae similis; unde taxi ligna, ob similitudinem, non raro pro cedrinis vendita etc. Vide Salmas. ad Solin. p. 1040. et seqq.

II.

TAXUS

fluv. Thraciae, circa umbilicum illius. Suid.